متى تقول stop

متى تقول stop

هنتكلم عن حاجات لو لقيتها فى نفسك يبقى أكيد شغلك معقد جدا و محتاج تبسطه أو تعيد ترتيب خططك عشان متضرش نفسك و متوقفش بعد فترة من كتر ما الشغل موقف حياتك ..
- لما تحس إن الشغل ضغطك طول الوقت : طبيعى إننا بنكون مضغوطين فى أى شغل، بس أما تحس إن الشغل ضاغط عليك لدرجة إنك مش عارف تعيش حياتك و مش عارف تنظم وقتك خالص من كتر ما هو ضاغط عليك، لازم تعيد حساباتك وقتها و تشوف بديل . -إنك بتصاب بأمراض : من الطبيعى من كتر الضغط اللى هتحسه , هيبتدى يجيلك أمراض و تتعطل كتير بسببها , و كمان جسمك و ذهنك هيجى عليهم وقت مش قادرين ينتجوا حاجه زيادة ..
-إنك تبقى مشغول عن أولويات حياتك : لو معندكش وقت خالص تشوف أهلك و أصحابك و تقضى وقت كويس لنفسك، يبقى دى كمان من علامات إن الشغل بتاعك معقد و محتاج تشوف إزاى تقدر تحله و تشوف بديل أو تخليه أبسط من كده.
-متكنش فاكر آخر مرة أخدت فيها أجازة لنفسك : دى حاجه بنلاحظها فى ناس كتير , إنهم يقولوا مرتحناش بقالنا فترة كبيرة لدرجة مش فاكرين إحنا آخر مرة ارتحنا أمتى , وقتها لازم برده تحل ده .. لإنك مش هتقتدر تستمر على كده.
-من ضمن العلامات كمان، إنك تبدأ تعمل غلطات كتيرة فى شغلك , اللى بتبقى ناتجة عن الإرهاق و قلة الراحة ..
-آخر علامة، هى إنك تحس إنك خلاص مش عاوز تبقى Freelancer .. و تعبت من الفكرة نفسها، وقتها اعرف إنك عقدت الموضوع على نفسك و محتاج إعادة ترتيب